१४० औं लखन स्मृती मनाउने तयारी सिंगारियो लखन चोक

Today Pokhara
0Shares

प्रेम रोका मगर

नेपाल मगर संघ, कास्कीको आयोजनामा विगतका वर्षहरूमा जस्तै यस वर्ष पनि १४० औं लखन स्मृती दिवसको सन्दर्भमा सच्चा श्रद्धाञ्जली सभा कार्यक्रमको आयोजना गर्ने तयारी गरेको छ । कार्यक्रम गर्ने तयारी भएसँगै आज बृहत लखनचोक सरसफाई सहित लखन चोकको शालिकमा खादा तथा फुलमालाले माल्यार्पन गरी ध्वजा पटकाले सजाइएको छ भने चोक परिसरमा फुलको विरुवा समेत रोपिएको छ ।
उक्त सरसफाई कार्यक्रममा नेपाल मगर संघ, कास्कीको मातहतमा नेपाल विभिन्न इकाई समितिहरू, नेपाल मगर विद्यार्थी संघ कास्की, मगर महिला संघ कास्की लगायतको सहभागिता रहेको थियो ।देश र जनताको निम्ति लडेर प्रथम पटक शहादत प्राप्त गर्ने लखन थापा मगरको स्मृतीमा नेपाल मगर संघ, कास्कीले हरेक वर्षको फागनु २ गते श्रद्धाञ्जली सभाको आयोजना गर्दै आएको छ ।
नेपाल मगर संघको सभाहलबाट ¥याली सहित लखनचोकमा गएर लखनको शालिकमा फुलमाला खादाले माल्यार्पन गरी पुन ः मगर संघको हलमा फर्केर कार्यक्रममा परिणत हुने आयोजकले जनाएको छ भने कार्यक्रम सकेपछि बेलुकी लखनचोक परिसरमा द्विप प्रजोलन समेत गरिने आयोजकले जनाएको छ ।