म्याराथनका लागि क्षेत्रिय र जिल्ला खेलकुदले सहयोग गर्ने

पोखरामा फागुन ७ मा आयोजना गरिने ११ औ पोखरा सफल पोखरा म्यारथन भव्यताका साथ सम्पन्न गर्नका लागि पश्चिमाञ्चल क्षेत्रिय खेलकुद विकास समिती र जिल्ला खेलकुदले सहयोग गर्ने प्रतिवद्धता गरेका छन ।

पोखरा म्याराथनको आयोजक संस्था नेपाल भुतपूर्व खेलाडी मंच र ति दुई खेलकुद संस्थाका विच भएको बैठकमा पश्चिमाञ्चल क्षेत्रिय खेलकुद विकास समितीका अध्यक्ष खगराज पौडेलले पोखरा म्यराथन पोखराको मात्र नभई समग्र राष्ट्रकै गौरव गर्ने प्रतियोगिता भएको बताए । उनले म्याराथन सफल बनाउन सक्दो सहयोग गर्ने प्रतिवद्धता समेत जनाए ।
सो अवसरमा मंचका अध्यक्ष खडग रानाभाटले सिटी म्यारथनको अवधाराणा अन्र्तगत पोखरा म्याराथनलाई स्थापित गर्न सम्पुर्ण पोखरेलीहरु एकतावद्ध हुनु पर्ने कुरा औंल्याए । प्रतियोगिता सम्पन्न गर्न प्राविधिक हरुको महत्वपुर्ण भुमिका हुनु पर्ने भएकोले दुवै खेलकुद संस्थाका प्राविधीकहरुले विगतका वर्षमा जस्तै सहयोगको अपेक्षा रहेको वताए ।
मञ्चका महासचि हरिप्रसाद पराजुलीले सबै मिलेर सहकार्य गरेमा आउँदा दिनहरुमा अन्य खेलकुद क्षेत्रहरुमा पनि हामीले सहकार्य गर्ने धारणा अघि सार्दै म्याराथनलाई सबै संघ–संस्था, मिडिया, सुरक्षा लगायत सम्पूर्ण पोखरेलीहरुले सहयोग भएमा सफलतापूर्वक सम्पन्न हुने धाराणा राखे । बैठकमा क्षेत्र, जिल्लाका पदाधिकारी, कर्मचारी र प्राविधकहरुको सहभागिता रहेको थियो ।