सुख्खा पहिरोले दरमखोला रोकियो, विद्युत प्रवाह हुँदा करेन्ट लागेर एक महिलाको मृत्यु

Today Pokhara
0Shares

प्रेम रोका मगर

बागलुङ खण्डमा पर्ने मध्यपहाडी लोकमार्गको रिघामा सडक माथिबाट सुक्खा पहिरो खस्दा दरमखोला थुनिएको छ । रिघा गाविसको वडा नम्बर–७ मनेवापाटामा खोलाभन्दा झण्डै २ सय मिटर माथिबाट ठुला रुखहरुसँगै २ मिटर चौडा भागबाट पहिरो झरेपछि दरमखोला रोकिएको हो । पहिरो गएको क्षेत्रमा विद्युतको राष्ट्रिय प्रसारण लाईनको पोल र तार समेत खोलामा पुगेपछि विद्युत सेवा पनि अबरुद्ध बनेको छ । पहिरोले ७ वटा पोल ढलेको र विद्युत प्रसारण अनियमित भई उच्च भोल्टेजमा करेन्ट प्रवाह भएका बेला घरको मेन स्विच बन्द गर्न पुगेकी रिघा–७ कल्छेकी ५६ बर्षिय मनकुमारी नेपालीको करेन्ट लागेर ज्यान गएको प्रहरीले जनाएको छ । करेन्ट लागेर गम्भिर घाईते भएकी नेपालीलाई उपचारका लागि हटिया लैजाँदै गर्दा बाटोमै मृत्यु भएको प्रहरी नायब निरीक्षक बानियाँले जानकारी दिए ।


विहान ५ बजे खसेको पहिरोले मध्ये पहाडीलोक मार्गको बागलुङ बुर्तिबाङ सडक अबरुद्ध बनेको प्रहरी चौकी खर्बाङ्गका प्रहरी नाबय निरीक्षक भोजबहादुर बानियाँले जानकारी दिए । पहिरोपछि स्थानिय मनकुमारी शाहीको घर उच्च जोखिममा रहेकाले स्थानिय प्रहरी र स्थानियवासीको सहयोग उनको परिवारलाई सुरक्षित ठाउँमा सारिएको छ ।
पहिरो खसेपछि दरमखोला ४ घण्टासम्म पुरै थुनिएर विहान ९ बजेदेख पानी बाग्न थालेको र अहिले खालामा पहिलेकै बाहवमा पानी बग्न थालेको घटस्थानमा रहेका पत्रकार कमल पौडेलले जानकारी दिए । पानी बग्न थालेपछि जोखिम केहि काम भएपनि तटिय क्षेत्रका खबाङ्ग, वामीटक्सार, भुवाचिदी रिडि रुद्रबेणीका बासिन्दालाई सचेत रहन अपिल गरिएको छ । पहिरोले सडक भत्किएपछि काठमाण्डौबाट बुर्तिबाङ्गका लागि छुटेका र बुर्तिबाट काठमाण्डौका लागि छुटेका दर्जनौँ साना ठुला सवारी साधन खर्बाङ्ग र हटिया बजारमा रोकिएका छन् ।
पहिरो गएको क्षेत्रमा प्रहरी चौकी खर्बाङ्ग र ईलाका प्रहरी कार्यालय हरिचौरको टोली पुगेपनि पहिरोको वारीपारी बाट फोनमा मात्र कुराकानी गर्न सक्ने अबस्था रहेको पत्रकार पौडेलले बताए । प्रमुख जिल्ला अधिकारी भागिरथ पाण्डेले अहिलेपनि माथिबाट ढुङ्गा र माटो खसिरहेको र खोलामा थुनिएर बनेको तालको पानी पुरै नबगेसम्म तत्काल सडक खुलाउन सकिने अबस्था नरहेको बताए ।