समाज कल्याणका लागि युवा नेपालद्वारा शैक्षिक सामग्री वितरण

टुडे पोखरा संवाददाता
0Shares

भुकम्पबाट पूर्ण प्रभावित रसुवाको राम्चे गाविस ग्राङ्गको ग्राङ्ग प्राविलाई समाज कल्याणका लागि युवा नेपाल, कास्कीले शैक्षिक सामग्री वितरण गरेको छ ।
अध्यक्ष किसान सुनारका अनुसार १ थान ल्यापटप, १ थान प्रिन्टर, १ थान अफिस टेबल, १६ थान डेक्सबेन्च, २ थान राउण्ड कुर्चि र कापी, कलम गरी करिब २ लाख बराबरको शैक्षिक सामग्री हस्तान्तरण गरिएको थियो । उक्त कार्यक्रम सम्पन्न गर्न पैग डि प्रेटे अमेरिकाको पनि आर्थिक सहयोग रहेको थियो ।
कार्यक्रममा समाज कल्याणका लागि युवा नेपालका उपाध्यक्ष एवं कार्यक्रम व्यवस्थापक रवि बहादुर विक., सदस्य मनोज रसाइली, समाजसेवी सरिता पुरी र मनोज भुसाल तथा स्थानिय अभिभावकहरुको सहभागिता रहेको थियो । विद्यालय प्राचार्य नारद काफ्लेले यस टिमबाट भुकम्प पश्चात निरन्तर रहेको सहयोगबाट विद्यालयका १ सय ६० विद्यार्थीहरुलाई प्रत्यक्ष सहयोग पुग्दै आएको र आगामी सहयोग पाउने अपेक्षा व्यक्त गरे ।
कार्यक्रममा टिम लिडर किसान सुनार र कार्यक्रम संयोजक सरिता पुरीले सहयोग गर्न पाउँदा खुशी व्यक्त गर्दै आगामी दिनमा पनि निरन्तर सहयोगमा जुट्ने प्रतिवद्धता व्यक्त गरे ।