पुन: निर्वाचन गराउन माग गर्दै असन्तुष्ट दलको ज्ञापनपत्र, निर्वाचन’ वदर गर्न माग

0Shares

पोखरा लेखनाथ महानगरपालिका वडानम्बर १७ को विवाद बारे निर्वाचन आयोगले जवाफ पठाउदै मतगणना सुरु गर्न निर्देशन दिएपछि एमाले बाहेक अन्य दलहरुले मतगणना वहिस्कार गर्दै पुननिर्वाचनको माग गरेका छन् ।

आयोगको निर्देशन पछि बसेको सर्वदलीय बैंठकमा सहमति नभएपछि मुख्य निर्वाचन अधिकृतको कार्यालयले मतगणना सुरु गरेपछि ज्ञापनपत्र बुझाउदै पुन निर्वाचनको माग गरिएको हो । कांग्रेस, माओबादी केन्द्र, राप्रपा, नयाँ शक्ति, संघिय समाजवादी फोरम लगायतका दलले ‘कानुन विपरितको निर्वाचन वदर गरी पुन: निर्वाचन गरीपाँउ ’ भन्दै मुख्य निर्वाचन अधिकृत नागेन्द्रलाल कर्णलाई ज्ञापनपत्र बुझाएका हुन् ।

‘स्थानीय तह निर्वाचन निर्देशिका २०७३ को दफा ७८ को उपदफा १ बमोजिम स्वस्तीक छाप जाच गरी अनुसूचि ३७ बमोजिमको मुचुल्का छ भने देखाउनुहोस् भन्दा उक्त अनुसारको मुचुल्कानै नभएको बुझिएको हुदा गैरकानुनी रुपमा भएको निर्वाचनको मतगणना रोक्का राखी अबैध रुपमा भएको निर्वाचन बदर गरी पुन निर्वाचन गरीपाँउन निवेदन गरेका छौ । ’ ज्ञापनपत्रमा भनिएको छ ।

‘ शनिवारदेखि मतगणना स्थगित भएपनि कानुनले निर्दिष्ट गरेका प्रक्रिया नअपनाइ खुल्ला रुपमा मतपत्र राखेकाले उक्त मतपत्र के कस्ता अबस्थामा छन् भन्ने समेत थाहा नभएको र विश्वासलायक नभएको ’ असन्तुष्ट दलहरुले भनेका छन् । साथै एमाले कार्यकर्ताले विभिन्न पार्टीका पास भिरेर मतगणना स्थलमा बस्दै आएको र आफ्नो पार्टीका भनिएका प्रतिनिधि नक्कली भएको र आफुहरुलाई प्रवेशमा रोक लगाएको असन्तुष्ट दलहरुले आरोप लगाएका छन् ।

Leave a Reply

Your email address will not be published. Required fields are marked *