नेपाली कांग्रेसका मेयर र उपमेयरका प्रत्यासी घरदैलो गर्दै कृस्ति र निर्मलपोखरीमा

Today Pokhara
0Shares

नेपाली कांग्रेसका तर्फबाट पोखरा लेखनाथ महानगरपालिकाका मेयरका उम्मेदवार रामजी कुँवर र उपमेयरमा सरस्वती गुरुङले घरदैलो कार्यक्रमलाई व्यापक बनाएका छन् ।दुवै उम्मेदवारले विहीवार पोखरा लेखनाथ महानगरपालिकाको २ नं. वडाबाट घरदैलो अभियान सुरु गरेका हुन् । वडा नं. २ मा घरदैलो गरेपछि उनीहरु वडा नं. २१ को कृस्ति र निर्मलपोखरी पुगेका छन् । कृस्ति र निर्मलपोखरीमा आयोजित कार्यक्रममा बोल्दै मेयरका उम्मेदवार रामजी कुँवरले समृद्ध पोखरा बनाउन नेपाली कांग्रेसलाई भोट दिन जनतालाई आग्रह गरे ।


  • उममेयरकी उम्मेदवार सरस्वती गुरुङले पोखरालाई स्मार्ट सिटी बनाउने योजनाका साथ कांग्रेस अघि त्यो योजनालाई कार्यान्वयन गर्ने ठाउँमा पु¥याउन रुख चिन्हमा मतदान गरि कांग्रेसका उम्मेदवारलाई जिताउन मतदातासँग अनुरोध गरिन् ।
  • नेपाली कांग्रेसका नेता देवराज चालिसेले कांग्रेसले सबैभन्दा उपयुक्त उम्मेदवार अघि सारेकाले यिनलाई बिजयी बनाउन गाउँगाउँका मतदाताले सहयोग गर्नेमा आफू ढुक्क भएको सुनाए । घरदैलो कार्यक्रममा पूर्व सभामुख तारानाथ रानाभाट, समासदद्वय बृन्दादेवी रानामगर, शारदा पौडेल लगायत कांग्रेसका थुप्रै नेता तथा कार्यकर्ता कृस्ति र निर्मलपोखरी पुगेका थिए ।