कावासोतीमा भोली रैयाँ प्रदर्शन हुने

Today Pokhara
0Shares

प्रेम रोकामगर
स्वदेश तथा विदेशको विभिन्न ठाँउमा विभिन्न समयमा सफल प्रदर्शन गरिसकेको मगर चलचित्र रैयाँ भोलि बुधबार नेपाल मगर युवा संघ, कावासोतीको आयोजनामा नवलपरासीको कावासोतीमा प्रदर्शन हुने भएको छ । आदिवासी जनजाति समुदायमा आफ्नो छोरीलाई कम्तीमा ७ वर्ष पुगेपछि गुन्यूचोली दिने चलन छ त्यस्तै मगर समुदायमा पनि आफ्नो छोरीलाई आठदेखि दस वर्Èभित्र आमाले गुन्यूचोली, रैयाँ (बाला) र घलेक दिने सँस्कार छ । विशेष गरी गुन्यूचोली, रैयाँ (बाला) र घलेक लगाउने चलन हराउँदै गएको र आधुनिकताले खर्लप्पै पारेका बेला यस्तो सँस्कृति बिस्तारै हराउँदै गएको आवास हुन्छ ।

मगर बुहल गाउँमा बाहेक अन्य क्षेत्रमा यस्तो सँस्कृति देख्न मुस्किल भएकोले यही विÈयलाई उठान गरिएको फिल्म ‘रैयाँ’ एक उत्कृष्ट चलचित्र मानिन्छ । नेपाल मगर युवा संघ, कावासोतीको आयोजनामा प्रर्दशन हुन लागेको रैयाँ प्रदर्शनका लागि पोखराबाट कलाकार प्रिया थापा मगर, अशोक आले मगर, पूर्ण थापा मगर, अनिता मगर, दुर्गा थापा मगर, मीन पुन र निर्देशक मेजन पुन कावासोती प्रस्थान गरेका छन् ।
पर्यटकीय नगरी पोखरा, म्याग्दी, तनहुँ, स्याङ्जा लगायतका क्षेत्रमा छायांकन साथै सफल प्रदर्शन गरिएको फिल्मले मगर महिलाको परम्परागत गहनालाई ‘रैयाँ’ लाई जीवन्तता दिने प्रयास गरेको छ । दुवै हातमा लगाउँने काँडे बाला (रैयाँ) हातको शोभा बढाउने मात्रै होइन, आपतविपतमा हतियारको समेत काम गर्ने विषयलाई रोचक तरिकाले फिल्ममा उतारिएको निर्देशक मेजन मगरले बताए ।
मगर फिल्मको पहिलो नायक राज थापाको समेत अभिनय रहेको फिल्ममा हर्क आलेको कथा छ । फिल्ममा दुई नया“ अनुहारका अशोक आले मगर र प्रिया थापा मगर मुख्य भूमिकामा रहेका छन् । हर्क मगरको कथा रहेको फिल्मको निर्माता तारामाया थापा मगर र हर्क आले मगर हुन् भने डकुमेन्ट्री मेकर भिमबहादुर रानाको सहनिर्देशन रहेको छ ।