आइएमई गरेको रकम निकाल्दा ४३ इन्चको टिभी पुरस्कार

पोखरा महानगरपालिका वडा नं. ११ का आशिष बाँस्तोलाले आइएमई गर्दा आएको रकम निकाल्दा ४३ ईन्चको टिभी उपहार पाएका छन् । आशिषका दाजु समिप बाँस्तोलाले दुवइबाट २६ हजार २ सय २६ रुपैंयाँ पठाएका थिए ।

आशिषलाई आइएमई लिमिटेडका पश्चिमाञ्चल प्रतिनिधी किशोर शर्मा र रमेश परियारले सोमबार उक्त टिभी हस्तान्तरण गरे । आइएमई लिमिटेडले नयाँ वर्ष २०७५ लाई लक्षित गरी चलाएको ‘नयाँ वर्षको बहार आइएमई गर्दा उपहारै उपहार’ नामक स्किम सार्वजनिक गरेको थियो ।

योजना अवधिमा गरिएका कारोबारहरुको‘लक्की ड्र’ ट्रान्जेक्सन नम्बरका आधारमा सफ्टवेयर पद्वतिमार्फत आषिशलाई पुरस्कार परेको आइएमई लिमिटेडले जनाएको छ ।